«ԱՄՆ-ն և Իրանը քննարկում են խաղաղ նպատակներով միջուկային էներգիայի զարգացման հարցը»․ Օմանի ԱԳՆ

Միացյալ Նահանգները և Իրանը քննարկում են համաձայնագիր, որն Իրանի Իսլամական Հանրապետությանը թույլ կտա պահպանել խաղաղ նպատակներով միջուկային էներգիայի զարգացման հնարավորությունը: Բանակցությունները պետք է ապահովեն, որ Իրանը դադարեցնի միջուկային զենքի ստեղծումը և չեղարկվեն Իրանի նկատմամբ պատժամիջոցները: Այս մասին հայտնել է Օմանի ԱԳՆ-ն։

«Կողմերը պայմանավորվել են անցնել բանակցությունների հաջորդ փուլին, որն ուղղված կլինի արդար, երկարատև և պարտավորեցնող համաձայնագրի կնքմանը, ինչն էլ կապահովի Իրանի լիակատար հրաժարումը միջուկային զենքից՝ միաժամանակ պահպանելով խաղաղ միջուկային էներգիա զարգացնելու հնարավորությունը», - նշվում է Օմանի ԱԳՆ հայտարարության մեջ:

Հիշեցնենք, Իրանի և ԱՄՆ-ի միջև բանակցությունների երկրորդ փուլը տեղի է ունեցել Հռոմում՝ Օմանի միջնորդությամբ։

Բանակցությունների ընթացքում քննարկվել է Իրանի միջուկային ծրագրի շուրջ համաձայնագիրը։