Կիրակի, 22 փետրվարի, 2026 թ.
|
Ստեփանակերտում`   +7 °C

«Հուսով եմ՝ այս շաբաթ ՌԴ-ն և Ուկրաինան համաձայնության կհասնեն»․ Թրամփ

«Հուսով եմ՝ այս շաբաթ ՌԴ-ն և Ուկրաինան համաձայնության կհասնեն»․ Թրամփ
706
Երկուշաբթի, 21 ապրիլի, 2025 թ., 10:15

ԱՄՆ նախագահ Դոնալդ Թրամփը հույս է հայտնել, որ այս շաբաթ Ռուսաստանի և Ուկրաինայի միջև համաձայնություն ձեռք կբերվի։ Այս մասին նա գրել է իր Truth Social սոցիալական ցանցում։

«Հուսով եմ՝ այս շաբաթ Ռուսաստանն ու Ուկրաինան համաձայնության կգան, այնուհետև կողմերը կսկսեն մեծ բիզնես վարել ԱՄՆ-ի հետ, որը կբարգավաճի և հարստություն կստեղծի»,- ասել է ԱՄՆ նախագահը:

Թրամփը չի հստակեցրել, թե ինչ գործարքի հետ է հույսեր կապում։

Փետրվարից Ռուսաստանի ներկայացուցիչներն ԱՄՆ-ի հետ բանակցությունների մի քանի փուլ են անցկացրել, որոնցում, մասնավորապես, քննարկվել է ուկրաինական կարգավորումը։ Ուկրաինան նույնպես հանդիպումներ է ունեցել ԱՄՆ ներկայացուցիչների հետ։

Ապրիլի 15-ին ՌԴ նախագահի մամուլի խոսնակ Դմիտրի Պեսկովը դրական էր գնահատել կարգավորման հարցում Մոսկվայի և Վաշինգթոնի շփումները, սակայն նշել էր, որ «դեռևս որևէ համաձայնագրի հստակ ուրվագծեր չկան»։

Կարդացե՛ք նաև