«Վաշինգթոնը հոգնել է Ուկրաինայում տեղի ունեցողից»․ Քելլոգ

555

Երկուշաբթի, 21 ապրիլի, 2025 թ., 11:51

Վաշինգթոնը հոգնել է այն ամենից, ինչ կատարվում է Ուկրաինայում, Fox News-ին տված հարցազրույցում հայտնել է Ուկրաինայի հարցով ԱՄՆ նախագահի հատուկ ներկայացուցիչ Քիթ Քելլոգը։

Քելլոգի խոսքով՝ Ուկրաինայի բանակցություններից Սպիտակ տան հեռանալու հնարավորության մասին ԱՄՆ նախագահ Դոնալդ Թրամփի և պետքարտուղար Մարկո Ռուբիոյի վերջին մեկնաբանությունները կոշտ են թվում, բայց դրանք պետք է այդպիսին լինեն:

«Մենք հոգնել ենք այն ամենից, ինչ տեղի է ունենում Ուկրաինայում: Աշխարհում կան բազմաթիվ այլ խնդիրներ, որոնցում ներգրավված է ԱՄՆ-ն: Այս պատերազմը շարունակվում է շատ երկար ժամանակ»,- ասել է Քելլոգը:

Միաժամանակ հատուկ ներկայացուցիչն ընդգծել է, որ ռազմական գործողությունները դադարեցնելու հնարավորությունը պահպանվում է։

Ավելի վաղ Թրամփը հայտարարել էր, որ ակնկալում է, որ այս շաբաթ Ռուսաստանի և Ուկրաինայի միջև համաձայնագիր կկնքվի։