Երեքշաբթի, 01 հուլիսի, 2025 թ.
|
Ստեփանակերտում`   +26 °C

«Հայ ժողովրդի ցավը միշտ ընդունել ենք որպես սեփական ցավ»․ Զախարովա

«Հայ ժողովրդի ցավը միշտ ընդունել ենք որպես սեփական ցավ»․ Զախարովա
495
Հինգշաբթի, 24 ապրիլի, 2025 թ., 14:03

ՌԴ-ում եղբայրական հայ ժողովրդի ցավը միշտ ընդունել են որպես սեփական ցավ։ Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով Հայոց ցեղասպանության 110-րդ տարելիցին։

«1915-ի իրադարձությունների վերաբերյալ Մոսկվայի դիրքորոշումը քաջ հայտնի է՝ այն հետևողական է և հիմնված է մարդասիրական սկզբունքների վրա», նշել է Զախարովան:

Նրա խոսքով՝ Մոսկվան առաջիններից էր, որ պաշտոնապես ճանաչեց ցեղասպանությունը, իսկ 2015 թվականին ՌԴ նախագահ Վլադիմիր Պուտինը Հայաստան կատարած այցի ժամանակ մասնակցել է Օսմանյան կայսրությունում Հայոց ցեղասպանության զոհերի հիշատակի արարողությանը և անկեղծ ցավակցություն հայտնել հայ ժողովրդին։