Երեքշաբթի, 01 հուլիսի, 2025 թ.
|
Ստեփանակերտում`   +22 °C

«Ղրիմը չճանաչելու մասին Զելենսկու հայտարարությունը ցույց է տալիս Կիևի անբանակցունակ լինելը»․ Զախարովա

«Ղրիմը չճանաչելու մասին Զելենսկու հայտարարությունը ցույց է տալիս Կիևի անբանակցունակ լինելը»․ Զախարովա
505
Հինգշաբթի, 24 ապրիլի, 2025 թ., 15:40

Ղրիմը որպես ռուսական տարածք չճանաչելու մասին Ուկրաինայի նախագահ Վլադիմիր Զելենսկու հայտարարությունը ևս մեկ անգամ ցույց է տալիս Կիևի անբանակցունակ լինելը։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Կիևի ռեժիմի այս շիզոֆրենիկ մոտեցումը ևս մեկ անգամ ցույց տվեց բանակցելու նրա բացարձակ անկարողությունը, անպատասխանատվությունը և մինչև վերջին ուկրաինացին այս սպանդը շարունակելու ցանկությունը»,- ասել է Զախարովան։
ԱԳՆ խոսնակը հիշեցրել է, որ ապրիլի 23-ին Լոնդոնում նախատեսվում էին խորհրդակցությունների երկրորդ փուլ՝ ԱՄՆ ներկայացուցիչների, բրիտանացի, ֆրանսիացի, գերմանացի գործընկերների, ինչպես նաև Կիևի պատվիրակության հետ՝ ուկրաինական ճգնաժամի թեմայով։

«Զելենսկին կտրականապես հրաժարվեց որևէ զիջման գնալ և հայտարարեց, որ իրավաբանորեն չի ճանաչի Ղրիմը Ռուսաստանի կազմում։ Նա ցուցադրաբար ցանկություն հայտնեց բանակցել միայն զինադադարի շուրջ և միայն իր պայմաններով», - ասել է Զախարովան։
Նրա խոսքով՝ Կիևի վարչակարգի ղեկավարը խափանեց Լոնդոնում Ուկրաինայի վերաբերյալ բանակցությունները՝ հաստատելով ձևավորվող խաղաղ գործընթացը «տորպեդահարելու» Կիևի մոտեցումը։