«ԱՄՆ-Իրան համաձայնագրի շնորհիվ բազմաթիվ կյանքեր կփրկվեն». Թրամփ

ԱՄՆ-Իրան բանակցությունները հաջողությամբ են ընթանում, հայտնել է ԱՄՆ նախագահ Դոնալդ Թրամփը։ «Իրանի հարցում ամեն ինչ լավ է ընթանում, մենք շատ լուրջ հանդիպումներ ենք ունենում։ Այս հարցում գույություն ունի միայն երկու տարբերակ, որոնցից մեկը լավ տարբերակը չէ»,- ասել է Թրամփը։

«Մենք մեծ առաջընթաց ենք գրանցել Իրանի հետ համաձայնագրի հարցում», — ընդգծել է նա:

«Մենք կարող ենք հասնել շատ դրական որոշման, և դա շատ կյանքեր կփրկի», — շարունակել է Թրամփը:

Հիշեցնենք՝ ապրիլի19-ին Հռոմում տեղի էր ունեցել Իրանի և ԱՄՆ-ի միջև անուղղակի բանակցությունների երկրորդ փուլը՝ Օմանի միջնորդությամբ։

Իրանի ԱԳ նախարար Արաղչիի խոսքով՝ մի շարք հարցերի շուրջ կողմերը հասել են որոշակի փոխըմբռնման։ Իրանի ԱԳ նախարարն ու ԱՄՆ նախագահի հատուկ ներկայացուցիչ Սթիվ Ուիթքոֆը նախատեսում են հաջորդ հանդիպումը անցկացնել ապրիլի 26-ին։