Ուիթքոֆի ինքնաթիռը վայրեջք է կատարել Մոսկվայում

Flightradar 24 համակարգի տվյալներով՝ ինքնաթիռը, որը ենթադրաբար Ռուսաստան էր տեղափոխում ԱՄՆ նախագահի հատուկ բանագնաց Սթիվ Ուիթքոֆին, վայրէջք է կատարել Մոսկվայի Վնուկովո օդանավակայանում։ Այս մասին հայտնում են ռուսական լրատվամիջոցները։

Չվերթը մեկնարկել էր Մայամիից՝ ուղղություն վերցնելով դեպի Մոսկվա։

Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի՝ Մերձավոր Արևելքի հարցերով հատուկ ներկայացուցիչ Սթիվ Ուիթքոֆի հանդիպումը նախատեսվում է ապրիլի 25-ին։ Այս մասին հայտնել էր Axios-ը՝ հղում անելով ամերիկացի պաշտոնյաներից մեկին։

Պուտինի հետ Ուիթքոֆի վերջին հանդիպումը տեղի էր ունեցել ապրիլի 11-ին Սանկտ Պետերբուրգում, որտեղ քննարկվել են «ուկրաինական կարգավորման ասպեկտները»։