Կիրակի, 28 հունիսի, 2026 թ.
|
Ստեփանակերտում`   +16 °C

Մոսկվայի մարզում պայթյունի հետևանքով ռուս բարձրաստիճան զինվորական է զոհվել

Մոսկվայի մարզում պայթյունի հետևանքով ռուս բարձրաստիճան զինվորական է զոհվել
1178
Ուրբաթ, 25 ապրիլի, 2025 թ., 14:39

Մոսկվայի մարզի Բալաշիխա քաղաքում տեղի ունեցած պայթյունի հետևանքով ՌԴ ԶՈՒ բարձրաստիճան զինվորական է զոհվել, հայտնել է ՌԴ Քննչական կոմիտեի պաշտոնական ներկայացուցիչ Սվետլանա Պետրենկոն։
«Նախնական տեղեկությունների համաձայն՝ պայթյունի հետևանքով զոհվել է ՌԴ զինված ուժերի գլխավոր շտաբի գլխավոր օպերատիվ վարչության պետի տեղակալ, գեներալ-լեյտենանտ Յարոսլավ Մոսկալիկը», - ասել է նա։
«Բալաշիխայում՝ Նեստերով փողոցի 2-րդ տան մոտակայքում, պայթել է «Ֆոլքսվագեն Գոլֆ» մակնիշի ավտոմեքենա։ Ըստ առկա տեղեկությունների, գործարկվել է ինքնաշեն պայթուցիկ սարք», հավելել է Պետրենկոն։

Իրավապահները քրեական գործ են հարուցել՝ սպանության և պայթուցիկ նյութերի անօրինական շրջանառության հոդվածներով։

Պայթյունը տեղի է ունեցել այն պահին, երբ Մոսկալիկն անցնում էր մեքենայի կողքով, որի վրա տեղադրված էր պայթուցիկ սարքը:

Հաղորդվում է, որ մեքենան Մոսկալիկին չէր պատկանում, այն նրա տան բակում է հայտնվել ընդամենը մի քանի օր առաջ:

Կարդացե՛ք նաև