Երկուշաբթի, 15 սեպտեմբերի, 2025 թ.
|
Ստեփանակերտում`   +14 °C

«ՌԴ-ն մեծ զիջման գնաց՝ հրաժարվելով ողջ Ուկրաինան գրավելուց». Թրամփ

«ՌԴ-ն մեծ զիջման գնաց՝ հրաժարվելով ողջ Ուկրաինան գրավելուց». Թրամփ
842
Ուրբաթ, 25 ապրիլի, 2025 թ., 16:27

ԱՄՆ նախագահ Դոնալդ Թրամփը հայտարարել է, թե Ռուսաստանը զգալի զիջման է գնացել Ուկրաինայի հետ խաղաղ բանակցություններում՝ հրաժարվելով «տիրանալ ողջ երկրին»։

«Բավականին մեծ զիջում է ամբողջ երկրին տիրանալուց հրաժարվելը»,- ասել է Թրամփը Օվալաձև կաբինետում Նորվեգիայի վարչապետ Յոնաս Գահր Ստյորի հետ հանդիպման ժամանակ:

CNN-ի հարցին, թե ինչ է առաջարկում ՌԴ-ն խաղաղ բանակցություններում, Թրամփը պատասխանել է՝ «Դադարեցնել պատերազմը, դադարեցնել գրավել ողջ երկիրը»։
Դժգոհելով Կիևին ռուսական գիշերային ավիահարվածների կապակցությամբ՝ Թրամփը հայտարարել է, որ շարունակում է հավատալ, որ թե՛ Ռուսաստանի, թե՛ Ուկրաինայի նախագահները խաղաղություն են ցանկանում։