«Այժմ Պուտինը պետք է ապացուցի, որ պատրաստ է խաղաղության». Մակրոն

Ֆրանսիայի նախագահ Էմանուել Մակրոնը հայտարարել է, որ Ուկրաինան պատրաստ է անվերապահ հրադադարի և ընդգծել է, որ այժմ Պուտինը պետք է ապացուցի, որ պատրաստ է խաղաղության։

Մակրոնն այս մասին գրել է X սոցիալական ցանցում՝ Ուկրաինայի նախագահ Վլադիմիր Զելենսկու հետ հանդիպումից հետո։

«Ուկրաինան պատրաստ է անվերապահ հրադադարի։ Նախագահ Զելենսկին այսօր ինձ հետ զրույցում հաստատեց դա։ Նա ցանկանում է կողք կողքի աշխատել ամերիկացիների և եվրոպացիների հետ՝ հրադադարը կյանքի կոչելու համար»,- գրել է Մակրոնը։

«Հիմա նախագահ Պուտինից է կախված՝ ապացուցել, որ ինքն իսկապես խաղաղություն է ուզում»,- հավելել Մակրոնը։

Ֆրանսիայի նախագահը խոստացել է նաև շարունակել աշխատանքը նրանց հետ, ովքեր վճռականորեն են տրամադրված Ուկրաինայում հրադադարի հասնելու և լիակատար ու երկարատև խաղաղություն հաստատելու հարցում։