Չորեքշաբթի, 17 սեպտեմբերի, 2025 թ.
|
Ստեփանակերտում`   +15 °C

Թուրքիայում ձերբակալվել է Մոսկալիկի սպանության մեջ կասկածյալը

Թուրքիայում ձերբակալվել է Մոսկալիկի սպանության մեջ կասկածյալը
1419
Կիրակի, 27 ապրիլի, 2025 թ., 01:15

Բալաշիխայում մեքենայի պայթյունի հետևանքով մահացած ռուս գեներալ Յարոսլավ Մոսկալիկի սպանության մեջ կասկածյալը ձերբակալվել է Ստամբուլում և տեղափոխվել Մոսկվա։ Այս մասին հաղորդել է ՌԴ Քննչական կոմիտեն

«ՌԴ ԱԴԾ աշխատակիցները հայտնաբերել են Ուկրաինայի հատուկ ծառայությունների գործակալ, 42-ամյա Իգնատ Կուզինին, ով կասկածվում է Զինված ուժերի ԳՇ գլխավոր օպերատիվ վարչության պետի տեղակալ, գեներալ-լեյտենանտ Յարոսլավ Մոսկալիկի մահվան պատճառ դարձած ահաբեկչական հարձակումը կատարելու մեջ», - հայտնում է Քննչական կոմիտեն։
Հատուկ ծառայությունների տվյալներով՝ կայանված մեքենայում տեղադրված պայթուցիկ սարքը գործարկվել է Ուկրաինայի տարածքից։ Մեքենան պայթել է, երբ Մոսկալիկը դուրս է եկել շենքի մուտքից։
ԱԴԾ-ն պարզել է, որ Ուկրաինայի Սումի քաղաքի բնակիչ Կուզինը բնակարան է վարձակալել այն շենքում, որտեղ ապրում էր գեներալ-լեյտենանտը։ Ապրիլի 19-ին Կուզինը թռել էր Թուրքիա։