Թուրքիան ռազմական ինքնաթիռներ է ուղարկել Պակիստան

Թուրքիան ռազմական օգնություն է ուղարկել Պակիստան, հայտնում են ԶԼՄ-ները։

Հաղորդվում է, որ Պակիստանում նկատվել են Թուրքիայի ռազմաօդային ուժերին պատկանող մի քանի C-130E ինքնաթիռներ։

Ոչ պաշտոնական տեղեկությունների համաձայն՝ Պակիստան են տեղափոխվել նաև KARAOK հակատանկային հրթիռային համակարգեր, ինչպես նաև Bayraktar TB2 ԱԹՍ-ների մարտական ​​բաղադրիչներ։

Ավելի վաղ Թուրքիայի արտաքին գործերի նախարար Հաքան Ֆիդանը հեռախոսազրույց էր ունեցել Պակիստանի փոխվարչապետ և արտաքին գործերի նախարար Մուհամմադ Իսհաք Դարի հետ։

Հիշենք, որ անցյալ շաբաթ Պակիստանի և Հնդկաստանի միջև հարաբերությունները սրվեցին Քաշմիրում տեղի ունեցած ահաբեկչական հարձակումից հետո։ Կողմերը մի շարք թշնամական քայլեր են ձեռնարկել միմյանց դեմ, երկու երկրների սահմանին գրանցվել են փոխհրաձգություններ։