«Հրդեհը հաջողվել է վերահսկողության տակ առնել»․ Իրանում ՌԴ դեսպանատուն

Իրանում ՌԴ դեսպանատունը, հետևելով Բանդար Աբբաս նավահանգստում բռնկված հրդեհը մարելու ՌԴ ԱԻՆ աշխատակիցների աշխատանքներին, հայտարարել է, որ կրակը վերահսկողության տակ է վերցված։

«Կարող ենք ասել, որ գործը մոտենում է ավարտին։ Հուսանք, որ այդպես էլ կլինի՝ առանց որևէ տհաճ անակնկալի»,- ասվում է դեսպանատան պաշտոնական Telegram ալիքում հրապարակված հաղորդագրության մեջ։

Ավելի վաղ դեսպանատունը հայտնել էր, որ Պուտինի հանձնարարականով Իրան է ուղարկվել ԱԻՆ մի քանի ինքնաթիռ՝ հրդեհի մարման աշխատանքներին մասնակցելու նպատակով։

Հիշեցնենք՝ ապրիլի 26-ին Իրանի հարավային Հորմոզգան նահանգի Բանդար Աբբաս քաղաքի Շահիդ Ռաջայի նավահանգստում հզոր պայթյուն էր որոտացել։ Իրանի ՆԳՆ-ն հայտարարել էր, որ միջադեպը տեղի է ունեցել անփութության պատճառով։ Զոհերի թիվը, վերջին տվյալներով, հասել է 70-ի, վիրավոր է 1200 մարդ։