«ԱՄՆ-ն այսուհետ Ուկրաինային զենք կտրամադրի առևտրային հիմունքներով»․ #KyivPost

268

Այսօր, 12:51

ԱՄՆ-ն Ուկրաինայի հետ բնական պաշարների վերաբերյալ համաձայնագիր ստորագրելուց հետո մտադիր է Կիևին վաճառել 50 միլիոն դոլարի զենք։ Այս մասին հաղորդում է ուկրաինական Kyiv Post թերթը՝ հղում անելով իր աղբյուրներին։

Մատակարարումները կիրականացվեն ուղիղ վաճառքի տեսքով։ Ինչպես նշում է հրատարակությունը, սա զենքի վաճառքի առաջին թույլտվությունն է Թրամփի՝ ԱՄՆ նախագահի պաշտոնը ստանձնելուց ի վեր։

Ի տարբերություն նախորդ օգնության, նոր մատակարարումները կիրականացվեն առևտրային հիմունքներով։

Հրատարակությունը չի մանրամասնում, թե արդյո՞ք այս դեպքում կկիրառվի հանքային գործարքի մեխանիզմը, որը թույլ է տալիս ռազմական օգնությունը համարել ԱՄՆ-ի կողմից ներդրում Ուկրաինայի հետ համատեղ ներդրումային հիմնադրամում։

Կիև ուղարկվելիք զենքի կոնկրետ տեսակները չեն նշվում, հաղորդում է ՏԱՍՍ-ը։