Երեքշաբթի, 15 սեպտեմբերի, 2026 թ.
|
Ստեփանակերտում`   +25 °C

«Իսրայելը հարվածել է Դամասկոսին՝ ի պաշտպանություն դրուզների»․ Նեթանյահու

«Իսրայելը հարվածել է Դամասկոսին՝ ի պաշտպանություն դրուզների»․ Նեթանյահու
895
Ուրբաթ, 02 մայիսի, 2025 թ., 10:03

Իսրայելը հարվածել է Դամասկոսի նախագահական պալատի մոտակայքում գտնվող թիրախին՝ Սիրիայում դրուզների համայնքին սպառնացող վտանգը կանխելու համար։ Այս մասին հայտարարել է Իսրայելի վարչապետ Բենիամին Նեթանյահուն, հայտնում է Ynet-ը։
«Իսրայելը հարված է հասցրել Դամասկոսի նախագահական պալատի մոտակայքում։ Սա հստակ ազդանշան է սիրիական ռեժիմին։ Մենք թույլ չենք տա ուժերի տեղակայում Դամասկոսից հարավ և որևէ սպառնալիք դրուզների համայնքի համար», - ասել է նա։
Իսրայելի Պաշտպանության նախարար Իսրայել Կացը նախկինում Դամասկոսի նոր իշխանություններին սպառնացել էր կոշտ միջոցներով, եթե սիրիացի դրուզների վրա հարձակումները չդադարեն։

Ավելի վաղ Դամասկոսի մոտակայքում գտնվող առավելապես դրուզներով բնակեցված Սահնայ քաղաքում բախումներ են տեղի ունեցել զինված խմբավորումների և դրուզների ինքնապաշտպանության մարտիկների միջև։
Դրուզներն արաբական էթնո-կրոնական խումբ են, որոնք ապրում են Լիբանանում, Սիրիայում, Իսրայելում և Հորդանանում։

Անցյալ տարվա վերջին Դամասկոսում իշխանափոխությունից ի վեր Իսրայելի ղեկավարությունը բազմիցս հայտարարել է Սիրիայի դրուզներին պաշտպանելու իր հանձնառության մասին։