Երեքշաբթի, 16 սեպտեմբերի, 2025 թ.
|
Ստեփանակերտում`   +13 °C

Հութիները ստանձնել են Իսրայելի ավիաբազայի վրա հարձակման պատասխանատվությունը

Հութիները ստանձնել են Իսրայելի ավիաբազայի վրա հարձակման պատասխանատվությունը
689
Ուրբաթ, 02 մայիսի, 2025 թ., 11:27

Եմենի հյուսիսում կառավարող շիաների «Անսար Ալլահ» (հութիներ) շարժումն առաջին անգամ հայտարարել է Իսրայելի հյուսիսում գտնվող Ռամաթ Դավիթ ռազմական ավիաբազայի վրա հրթիռային հարձակման մասին։
«Մենք ռազմական գործողություն իրականացրինք՝ թիրախավորելով օկուպացված Հայֆայի արևելքում գտնվող Ռամաթ Դավիթ ավիաբազան։ Գործողությունն իրականացվել է «Պաղեստին-2» հիպերձայնային բալիստիկ հրթիռի միջոցով, որը հասել է իր նշանակետին։ Թշնամու ՀՕՊ համակարգերը չեն կարողացել որսալ հրթիռը», - ասվում է հութիների զինված ուժերի Telegram ալիքում տեղադրված հայտարարության մեջ։
Հութիները վերսկսել են Իսրայելի վրա հարձակումները մարտ ամսից, երբ պաղեստինյան Գազայի հատվածում հրադադարի ռեժիմը չեղարկվեց, և Իսրայելն արգելափակեց մարդասիրական օգնության մուտքը տարածք։