Երեքշաբթի, 22 սեպտեմբերի, 2026 թ.
|
Ստեփանակերտում`   +20 °C

«Իսրայելի վրա հութիների հարձակումները որևէ կապ չունեն Իրանի հետ»․ Իրանի ԱԳՆ

«Իսրայելի վրա հութիների հարձակումները որևէ կապ չունեն Իրանի հետ»․ Իրանի ԱԳՆ
795
Երկուշաբթի, 05 մայիսի, 2025 թ., 12:15

Իրանի արտաքին գործերի նախարարությունը հայտարարել է, որ Իսրայելի վրա հութիների հարձակումները որևէ կապ չունեն Իրանի հետ, դա հութիների «անկախ որոշումն» է։

Հայտարարության մեջ նշվում է, որ հարձակումներն Իրանին վերագրելը «մոլորեցնող է և չի համապատասխանում իրականությանը»։

«Իրանը դատապարտում է Եմենի վրա ԱՄՆ-ի ռազմական հարձակումները՝ դրանք համարելով ՄԱԿ-ի կանոնադրության և միջազգային իրավունքի հիմնարար նորմերի կոպիտ խախտում»,- ասված է Իրանի ԱԳՆ տարածած հայտարարության մեջ։

Նախօրեին հաղորդվել էր, որ Եմենի հութիները հարվածել էին Իսրայելի Բեն Հուրիոն միջազգային օդանավակայանին, որի հետևանքով 4 մարդ էր վիրավորվել։

Իսրայելի վարչապետ Բենյամին Նեթանյահուն հայտարարել էր, որ Եմենի գործողությունների հետևում Իրանն է կանգնած։