«Անիմաստ է բանակցել շրջափակման, սովի պայմաններում»․ ՀԱՄԱՍ

Պաղեստինյան ՀԱՄԱՍ շարժումը կարծում է, որ անիմաստ է շարունակել Գազայի հատվածում հրադադարի շուրջ բանակցություններն Իսրայելի հետ, քանի դեռ շարունակվում է հակամարտությունը և անկլավի շրջափակումը։ Այս մասին հայտարարել է շարժման քաղբյուրոյի անդամ Բասեմ Նաիմը։

«Անիմաստ է բանակցել կամ քննարկել հրադադարի նոր առաջարկներ, քանի դեռ Գազայի հատվածում շարունակվում է պատերազմը՝ սովի, ոչնչացման միջոցով»,- AFP-ին հայտնել է ՀԱՄԱՍ-ի խոսնակը։

Նա կոչ է արել միջազգային հանրությանը՝ «ճնշում գործադրել Իսրայելի իշխանությունների վրա՝ վերջ տալու սպանություններին և հանցագործություններին, որոնք հանգեցնում են սովի ու ծարավի»։

Ավելի վաղ Պաղեստինի Կարմիր մահիկի ընկերությունը հայտնել էր, որ Գազայի հատվածի մարդասիրական օգնության բաշխման կենտրոններում և շուկաներում սննդի պաշարները սպառվել են։ Կարմիր մահիկը հայտնել էր նաև, որ անկլավում չկան առաջին անհրաժեշտության իրեր կամ հիգիենայի պարագաներ։