«30-օրյա հրադադարի առաջարկն ուժի մեջ է»․ Զելենսկի

622

Հինգշաբթի, 08 մայիսի, 2025 թ., 10:15

30-օրյա հրադադարի առաջարկը մնում է ուժի մեջ, հայտարարել է Ուկրաինայի նախագահ Վլադիմիր Զելենսկին իր Telegram ալիքում հրապարակված տեսաուղերձում։

«Առնվազն 30 օրով կրակը դադարեցնելու մեր առաջարկը մնում է ուժի մեջ. այդ առաջարկը չեղարկված չէ, ինչը կարող է հնարավորություն տալ դիվանագիտությանը: Բայց հենց Ռուսաստանի կողմից է, որ աշխարհը պատասխան չի տեսնում», - ասել է Ուկրաինայի նախագահը:

Հիշեցնենք մայիսի 8-ի կեսգիշերին Ռուսաստանի կողմից հայտարարված հրադադարն ուժի մեջ է մտել, այն կտևի մինչև մայիսի 11-ի կեսգիշերը։ Մոսկվան կոչ էր արել Կիևին պահպանել այն՝ խոստանալով հակառակ դեպքում «արդյունավետ պատասխան» տալ։

Զելենսկին մերժել էր նախաձեռնությունը՝ այն անվանելով «մանիպուլյացիայի փորձ» և փոխարենն առաջարկել 30-օրյա հրադադար՝ դա բացատրելով նրանով, որ «անհնար է որևէ բանի շուրջ համաձայնության գալ երեք, հինգ, յոթ օրում»։