Վուչիչը հարցազրույց է տվել Կարմիր հրապարակից

179

Այսօր, 10:45

Մոսկվա ժամանելուց հետո Սերբիայի նախագահ Ալեքսանդր Վուչիչը այցելել է Կարմիր հրապարակ, որտեղ հարցազրույց է տվել լրատվամիջոցներին։ Սերբիայի առաջնորդը նշել է, որ իր այցը կարևոր է Բելգրադի համար, այդ թվում՝ ռացիոնալ պատճառներով, քանի որ նա պատրաստվում էր Ռուսաստանի նախագահ Վլադիմիր Պուտինի հետ քննարկել գազի մատակարարումները և ընդհանուր առմամբ երկկողմ հարաբերությունների զարգացումը։

Սերբիայի նախագահը նշել է, որ խոստացել է Պուտինին մասնակցել մայիսի 9-ի Հաղթանակի շքերթին, ինչպես նաև տեղեկացրել է եվրոպական իշխանություններին իր մտադրությունների մասին։ Մոսկվա այցի հետ կապված նրանց կողմից ճնշման վերաբերյալ Վուչիչը կարծում է, որ «եթե դուք ազատ, ինքնիշխան և անկախ եք, ապա ոչ ոք ձեզ չի սիրի»։

«Ես կարծում եմ, որ հետևանքներ կլինեն, բայց հետևանքներ կլինեն առաջին հերթին ինձ համար։ Սերբիան հավատարիմ կմնա եվրոպական ուղուն, ես կստանձնեմ պատասխանատվությունը և կխնդրեմ չպատժել ամբողջ երկիրը», - ընդգծել է նա։

Ինստագրամի իր էջում Վուչիչը գրել է, որ իրեն «չի հետաքրքրում, թե ուրիշներն ինչ են ասում», քանի որ ինքն ընտրվել է Սերբիայի ժողովրդի կողմից և Մոսկվա է եկել հանուն իր երկրի։