Պակիստանը հայտարարել է Հնդկաստանի 25 ԱԹՍ խոցելու մասին

Պակիստանի զինված ուժերը խոցել են իսրայելական արտադրության 25 Harop անօդաչու թռչող սարք։ Այս մասին հայտնել է Պակիստանի պաշտպանության նախարարության հասարակայնության հետ կապերի ծառայությունը:

Մամուլի հաղորդագրության մեջ պարզաբանվում է, որ ԱԹՍ-ներն արձակվել են Հնդկաստանի տարածքից՝ մայիսի 7-ի գիշերը ռազմական գործողության սկզբից ի վեր։

Հաղորդվում է, որ ԱԹՍ-ներից մեկի հարվածի հետևանքով զոհվել է մեկ քաղաքացիական անձ, ևս մեկը՝ վիրավորվել, հաղորդվաում է նաև հինգ հնդկական կործանիչների և մի քանի ռազմական դիրքերի ոչնչացման մասին։

Հնդկական ANI News-ի տվյալներով՝ երկրի բանակը հարձակվում է Պակիստանի ՀՕՊ համակարգերի վրա՝ օգտագործելով Harpy ԱԹՍ-ներ (Harop-ի ավելի հին տարբերակը): Հնդկաստանի պաշտպանության նախարարությունը նույնպես հաստատել է Պակիստանի վրա առավոտյան հարձակումները՝ դրանք անվանելով մայիսի 8-ի գիշերը թշնամու հարվածներին ի պատասխան միջոցներ։