Մերցը և Թրամփը պայմանավորվել են համագործակցել Ուկրաինայի հարցում

Գերմանիայի կանցլեր Ֆրիդրիխ Մերցը և ԱՄՆ նախագահ Դոնալդ Թրամփը հեռախոսազրույցի ընթացքում համաձայնության են եկել սերտորեն համագործակցել ուկրաինական հակամարտությունն ավարտին հասցնելու հարցում, հայտնել է Գերմանիայի կառավարության խոսնակ Ստեֆան Կոռնելիուսը։
«Թրամփը նշել է, որ վճռականորեն կաջակցի Գերմանիայի ջանքերին՝ Ֆրանսիայի, Մեծ Բրիտանիայի, Լեհաստանի և եվրոպական այլ գործընկերների հետ՝ երկարատև խաղաղության հասնելու համար: Միևնույն ժամանակ, նախագահ Թրամփը և Գերմանիայի կանցլեր Մերցը համաձայնության եկան, որ երկու երկրների միջև առևտրային տարաձայնությունները պետք է լուծվեն հնարավորինս շուտ»,- ասվում է հայտարարության մեջ։

Թրամփը շնորհավորել է Մերցին՝ կանցլերի պաշտոնն ստանձնելու կապակցությամբ, նրանք պայմանավորվել են անմիջական կարծիքներ փոխանակել և հայտարարել են ԱՄՆ և Գերմանիա փոխադարձ այցելություններ կատարելու մտադրության մասին։