Չորեքշաբթի, 14 մայիսի, 2025 թ.
|
Ստեփանակերտում`   +15 °C

«Մոսկվայի վրա ճնշում գործադրելն անօգուտ է». Պեսկովը՝ 30-օրյա հրադադարի առաջարկի մասին

«Մոսկվայի վրա ճնշում գործադրելն անօգուտ է». Պեսկովը՝ 30-օրյա հրադադարի առաջարկի մասին
463
Շաբաթ, 10 մայիսի, 2025 թ., 23:09

Ռուսաստանը կքննարկի 30-օրյա հրադադարի առաջարկը, այս հարցում ցանկացած ճնշում անօգուտ է։ Այս մասին CNN-ին տված հարցազրույցում հայտարարել է ՌԴ նախագահի մամուլի քարտուղար Դմիտրի Պեսկովը։

«Մենք պետք է մտածենք այս մասին։ Սա նոր զարգացում է։ Մենք ունենք մեր սեփական դիրքորոշումը»,- ասել է Կրեմլի խոսնակը:

«Ռուսաստանը դիմադրում է ցանկացած ճնշման։ Մենք բաց ենք երկխոսության համար, մենք բաց ենք Ուկրաինայում հակամարտությունը լուծելու փորձերի համար։ Բայց մեզ վրա ճնշում գործադրելու փորձերը միանգամայն անօգուտ են»,- հավելել է Պեսկովը:

Նրա խոսքով՝ Եվրոպան «բացահայտ դիմակայության մեջ է Մոսկվայի հետ: «Ռուսաստանի նախագահն ընդհանուր առմամբ աջակցում է հրադադարի գաղափարին, սակայն կան շատ հարցեր, որոնք դեռ պատասխաններ են պահանջում», ասել է Պեսկովը։

Ավելի վաղ Ուկրաինայի նախագահ Զելենսկին հանդիպում էր ունեցել եվրոպական մի քանի երկրների առաջնորդների հետ: Հանդիպման արդյունքում Մեծ Բրիտանիայի կառավարության կայքում հրապարակվել էր համատեղ հայտարարություն, որտեղ ՌԴ-ին կոչ էր արվում համաձայնել 30-օրյա լիարժեք և անվերապահ հրադադարին: