Երեքշաբթի, 01 հուլիսի, 2025 թ.
|
Ստեփանակերտում`   +22 °C

Մայիսի 16-ին եռակողմ հանդիպումներ կկայանան Թուրքիայում

Մայիսի 16-ին եռակողմ հանդիպումներ կկայանան Թուրքիայում
461
Ուրբաթ, 16 մայիսի, 2025 թ., 00:14

Ռուսաստանի, Ուկրաինայի և Թուրքիայի պատվիրակությունների միջև եռակողմ հանդիպումներ են նախատեսված ուրբաթ օրը Ստամբուլում, ինչպես նաև կհանդիպեն ԱՄՆ-ի, Թուրքիայի և Ուկրաինայի պատվիրակությունները, «ՌԻԱ Նովոստի»-ին հայտնել է Թուրքիայի արտաքին գործերի նախարարության աղբյուրը։
«Վաղը հանդիպումներ կլինեն տարբեր ձևաչափերով՝ եռակողմ հանդիպումներ ԱՄՆ-ի, Ուկրաինայի և Թուրքիայի, ինչպես նաև Ռուսաստանի, Ուկրաինայի և Թուրքիայի միջև», - ասել է աղբյուրը։
Թուրքիայի արտգործնախարար Հաքան Ֆիդանի և Ռուսաստանի, Ուկրաինայի և Ամերիկայի պատվիրակությունների միջև քառակողմ հանդիպում անցկացնելու հնարավորության վերաբերյալ դեռևս վերջնական որոշում չկա, ավելի վաղ հայտնել էր Թուրքիայի արտգործնախարարության խոսնակ Օնջու Քեչելին։