«Երկուշաբթի հեռախոսազրույց կունենամ Պուտինի, ապա՝ Զելենսկու և ՆԱՏՕ-ի երկրների ղեկավարների հետ». Թրամփ

ԱՄՆ նախագահ Դոնալդ Թրամփը երկուշաբթի առավոտյան հեռախոսազրույց կունենա ՌԴ նախագահ Վլադիմիր Պուտինի հետ։ Այս մասին, BBC-ի փոխանցմամբ, գրառում է կատարել Թրամփը:

Լրատվամիջոցի տվյալներով՝ երկուշաբթի՝ ժամը 10․00-ին, Թրամփը հեռախոսազրույց կունենա Ռուսաստանի նախագահ Վլադիմիր Պուտինի հետ, որին կհաջորդի Վլադիմիր Զելենսկու և ՆԱՏՕ-ի դաշնակիցների հետ հեռախոսազրույցը։

«Հեռախոսազրույց կունենամ Ռուսաստանի նախագահ Վլադիմիր Պուտինի հետ», - գրել է Թրամփը իր Truth Social սոցիալական ցանցում։ -Զրույցի թեման կլինի «արյան բաղնիքի» դադարեցումը, որի պատճառով ամեն շաբաթ ավելի քան 5000 ռուս և ուկրաինացի զինվոր է մահանում։ Զրույցի թեմաներից կլինի նաև առևտուրը»։

ԱՄՆ նախագահը հայտարարել է, որ Պուտինի հետ զրույցից հետո նախատեսում է խոսել Ուկրաինայի նախագահ Զելենսկու, ապա՝ ՆԱՏՕ-ի անդամ տարբեր երկրների ղեկավարների հետ։

«Հուսով եմ՝ արդյունավետ օր կլինի, կկնքվի հրադադար և կավարտվի այս դաժան պատերազմը, որը երբեք չպետք է սկսվեր»,- հավելել է նա։