ՄԱԿ-ը ողջունում է Պուտին-Թրամփ հեռախոսազրույցը

ՄԱԿ-ը ողջունում է Ռուսաստանի նախագահ Վլադիմիր Պուտինի և ԱՄՆ-ի նախագահ Դոնալդ Թրամփի միջև հեռախոսազրույցը։ Այս մասին TASS-ի թղթակցի հարցին ի պատասխան ճեպազրույցի ժամանակ հայտարարել է համաշխարհային կազմակերպության ղեկավարի պաշտոնական ներկայացուցիչ Ստեֆան Դյուժարիկը։

Նրա խոսքով՝ «նախագահ Թրամփի և նախագահ Պուտինի միջև բանակցությունները ողջունելի են»։ Համաշխարհային կազմակերպության ղեկավարի ներկայացուցիչը նմանապես ողջունել է նաև ամերիկացի առաջնորդի և Վլադիմիր Զելենսկու միջև բանակցությունները։

Դյուժարիկը հավելել է, որ ՄԱԿ-ն աջակցում է ցանկացած ջանք, որը կարող է հանգեցնել ուկրաինական ճգնաժամի խաղաղ կարգավորմանը։

Պուտինը և Թրամփը երկուշաբթի օրը հեռախոսազրույց են ունեցել, որը, ըստ Ռուսաստանի առաջնորդի, տևել է ավելի քան երկու ժամ։ Ռուսաստանի նախագահը բարձր է գնահատել ամերիկացի առաջնորդի հետ զրույցը և այն անվանել կառուցողական։