Շաբաթ, 21 փետրվարի, 2026 թ.
|
Ստեփանակերտում`   +14 °C

«ԱՄՆ-ն խաղաղություն է ուզում, եվրոպական երկրները՝ պատերազմ»․ Ռուբիո

«ԱՄՆ-ն խաղաղություն է ուզում, եվրոպական երկրները՝ պատերազմ»․ Ռուբիո
681
Երեքշաբթի, 20 մայիսի, 2025 թ., 11:28

Եվրոպական երկրները պատերազմի կոչ են անում, մինչդեռ ԱՄՆ-ն խաղաղություն է ուզում, Fox News-ի փոխանցմամբ՝ հայտարարել է ԱՄՆ պետքարտուղար Մարկո Ռուբիոն։

Ռուբիոն պատմել է Հռոմի պապի երդմնակալության միջոցառումներին մասնակցելու համար Հռոմ կատարած իր ուղևորության մասին, որտեղ զրուցել էր կարդինալների հետ։

«Կարդինալներից մեկը, որի հետ ես հանդիպեցի, ասել էր՝ «մեզ համար շատ անսովոր է, որ ԱՄՆ նախագահը խաղաղություն է ուզում, իսկ որոշ եվրոպացիներ անընդհատ ռազմական գործողությունների կոչեր են անում, կարծես աշխարհը գլխիվայր շրջված լինի»,- ասել է Ռուբիոն։

ԱՄՆ պետքարտուղարի խոսքով՝ Թրամփը չի ձգտում պաշտպանությանը մեծ ծախսեր հատկացնել, այլ նախընտրում է այդ գումարը ներդնել տնտեսական զարգացման մեջ։