Հինգշաբթի, 15 հունվարի, 2026 թ.
|
Ստեփանակերտում`   -5 °C

«Ստատուս քվոն չի փոխվել». Ուկրաինան արձագանքել է Պուտին-Թրամփ հեռախոսազրույցին

«Ստատուս քվոն չի փոխվել». Ուկրաինան արձագանքել է Պուտին-Թրամփ հեռախոսազրույցին
854
Երեքշաբթի, 20 մայիսի, 2025 թ., 15:16

Ուկրաինայի նախագահի խորհրդական Միխայիլ Պոդոլյակը հայտարարել է, որ ԱՄՆ նախագահ Դոնալդ Թրամփի և նրա ռուս պաշտոնակից Վլադիմիր Պուտինի միջև հեռախոսազրույցից հետո ՌԴ-ի և Ուկրաինայի միջև խաղաղության ջանքերում ստատուս քվոն չի փոխվել։

Պոդոլյակի խոսքով՝ մայիսի 19-ին Պուտին-Թրամփ հեռախոսազրույցի ընթացքում ՌԴ նախագահը հրաժարվել է համաձայնել հրադադարին և փոխարենը հայտարարել «հուշագրի» շուրջ բանակցելու պատրաստակամության մասին՝ կապված «հնարավոր խաղաղության ապագա պայմանագրի հետ»։

«Ցավոք, Թրամփ-Պուտին հեռախոսազրույցից հետո ստատուս քվոն չի փոխվել»,- X-ում գրել է Պոդոլյակը՝ հավելելով, որ Ուկրաինան շարունակում է առաջարկել անհապաղ և անվերապահ հրադադար, և Եվրոպան լիովին աջակցում է այս քայլին։

Պոդոլյակը նշել է, որ Միացյալ Նահանգները շարունակում է մնալ գլոբալ միջնորդ՝ հավատալով, որ Ռուսաստանը կբանակցի հանուն բիզնեսի և ռազմավարական շահերի։ Միևնույն ժամանակ, պատերազմը շարունակելու իր պատրաստակամության հարցում Ռուսաստանի դիրքորոշումը մնում է անփոփոխ։