Գազայի հատվածում Իսրայելի հարվածներից 24 մարդ է զոհվել

872

Չորեքշաբթի, 21 մայիսի, 2025 թ., 11:34

Գազայի հատվածի տարբեր շրջաններում Իսրայելի բանակի կողմից գիշերվա ընթացքում իրականացված ռմբակոծությունների և հրետակոծությունների հետևանքով զոհվել է առնվազն 24 մարդ։ Այս մասին հայտնել է քաթարական «Al Jazeera» հեռուստաալիքը։

Ըստ աղբյուրի՝ ամենաուժեղ հարվածները հասցվել են անկլավի հարավում գտնվող Խան Յունիս քաղաքի վրա, որտեղ Իսրայելի ռազմաօդային ուժերի հարձակումների հետևանքով զոհվել է առնվազն 11 պաղեստինցի։ Գազայի հատվածի կենտրոնական մասում գտնվող Դեյր էլ-Բալահ քաղաքը և հյուսիսային Ջաբալիա քաղաքը նույնպես ենթարկվել են օդային և հրետանային զանգվածային կրակի։