Բեռլինում զենքի մատակարարման դեմ բողոքի ցույցեր են

Բեռլինի կենտրոնում՝ Բրանդենբուրգյան դարպասների մոտ, տեղի է ունեցել բողոքի ցույց՝ պատերազմական գոտիներին գերմանական զենք մատակարարելու դեմ և հաջակցություն խաղաղության։ Այս մասին հաղորդում է DPA գործակալությունը։
«Հարյուրավոր ցուցարարներ հավաքվել են Բրանդենբուրգյան դարպասների մոտ ցույցի համար... Գերմանիայի կողմից զենքի մատակարարման դեմ բողոքի ակցիան անցկացվում է «Խաղաղություն, ազատություն, ժողովրդի ձայն» կարգախոսով»,- հայտնում է լրատվամիջոցը։

Բողոքի ակցիային մասնակցելու համար գրանցվել էր մոտ 10 հազար մարդ»,- գրում է PDA-ն՝ հղում անելով մայրաքաղաքի ոստիկանությանը։ Հանրահավաքից հետո ցույցի նախաձեռնողները նախատեսում են քայլերթ անցկացնել քաղաքի կենտրոնով։