Չորեքշաբթի, 23 հուլիսի, 2025 թ.
|
Ստեփանակերտում`   +33 °C

«Ուկրաինայի վերաբերյալ հուշագիրը կպարունակի կարգավորման սկզբունքներ և պայմաններ»․ Զախարովա

«Ուկրաինայի վերաբերյալ հուշագիրը կպարունակի կարգավորման սկզբունքներ և պայմաններ»․ Զախարովա
882
Երեքշաբթի, 27 մայիսի, 2025 թ., 12:34

Ուկրաինայի վերաբերյալ հուշագիրը կպարունակի կարգավորման սկզբունքներ և պայմաններ, հայտարարել է ՌԴ ԱԳՆ խոսնակ Մարիա Զախարովան։
Նրա խոսքով՝ Ռուսաստանը ներկայումս շարունակում է աշխատել հուշագրի նախագծի վրա, որը հիմք կծառայի ապագա խաղաղության պայմանագրի համար։ Երբ հուշագիրը պատրաստ լինի, այն կփոխանցվի ուկրաինական կողմին։

«Ռուսաստանը շարունակում է մշակել ապագա խաղաղության պայմանագրի վերաբերյալ հուշագրի նախագիծը, որը սահմանում է մի շարք դիրքորոշումներ, ինչպիսիք են կարգավորման սկզբունքները, խաղաղության համաձայնագրի հնարավոր կնքման ժամկետները և որոշակի ժամանակահատվածով հնարավոր հրադադարը, եթե համապատասխան պայմանավորվածություններ ձեռք բերվեն»,- ասել է Զախարովան՝ հավելելով, որ Ռուսաստանն ակնկալում է, որ Կիևը հուշագրի վերաբերյալ իր մշակումները կներկայացնի Մոսկվայի հետ միաժամանակ։

Հիշեցնենք՝ ՌԴ-ի և Ուկրաինայի միջև մայիսի 16-ին Ստամբուլում կայացած բանակցություններին կողմերը պայմանավորվել էին մշակել և ներկայացնել հակամարտության կարգավորման իրենց տեսլականը։