Երկուշաբթի, 20 ապրիլի, 2026 թ.
|
Ստեփանակերտում`   +8 °C

Մոսկվայից հետո Ֆիդանը կմեկնի Կիև

Մոսկվայից հետո Ֆիդանը կմեկնի Կիև
856
Երեքշաբթի, 27 մայիսի, 2025 թ., 13:10

Պաշտոնական այցով Մոսկվայում գտնվող Թուրքիայի արտգործնախարար Հաքան Ֆիդանը շաբաթվա վերջին կմեկնի Կիև։ Այս մասին հաղորդում է Reuters-ը։

Գործակալության տվյալներով՝ Ֆիդանը, ինչպես սպասվում է, շաբաթվա վերջում կայցելի Կիև՝ հանդիպելու ուկրաինացի պաշտոնյաների հետ և քննարկելու մայիսի 16-ին Ստամբուլում կայացած բանակցությունների արդյունքները։

Ֆիդանը երկօրյա այցով գտնվում է Մոսկվայում, որտեղ երկուշաբթի հանդիպել էր Վլադիմիր Պուտինի և Ստամբուլում Ռուսաստանը ներկայացնող Վլադիմիր Մեդինսկու հետ։ Երեքշաբթի Ֆիդանը կհանդիպի իր ռուս գործընկեր Սերգեյ Լավրովի հետ։

Հանդիպման ընթացքում Պուտինը և Ֆիդանը քննարկել են «Ուկրաինայի և Ռուսաստանի միջև պատերազմը դադարեցնելու համար վերջերս իրականացված նախաձեռնությունները, Ստամբուլում կայացած բանակցություններից հետո զարգացումները»,- հայտնել է թուրքական աղբյուրը։

Կրեմլը երկուշաբթի հայտարարել էր, որ Ֆիդանի հետ բանակցությունների հիմնական թեման կլինեն երկկողմ հարաբերությունները, սակայն կքննարկվի նաև Ուկրաինայի հարցը։

Հանդիպման նախօրեին թուրքական աղբյուրը հայտնել էր, որ Ֆիդանը կկրկնի Ուկրաինայի և Ռուսաստանի միջև բանակցություններում «միջնորդի» դեր խաղալու Անկարայի առաջարկը։