Գազայում հարյուրավոր քաղցած պաղեստինցիներ ներխուժել են սննդի պահեստ, կա 2 զոհ

1029

Հինգշաբթի, 29 մայիսի, 2025 թ., 14:34

Քաղցած պաղեստինցիների մի խումբ ներխուժել է Գազայի կենտրոնում գտնվող ՄԱԿ-ի պահեստ, որի հետևանքով զոհվել է առնվազն երկու մարդ։ Այս մասին հայտնել է CNN-ը։

«Հարյուրավոր քաղցած մարդիկ ներխուժել են Դեյր ալ-Բալահում գտնվող ՄԱԿ-ի Պարենի համաշխարհային ծրագրի «Ալ-Գաֆարի» պահեստ՝ փնտրելով բաշխման համար նախապես պահեստավորված սննդամթերք։ Ըստ նախնական հաղորդագրությունների՝ ողբերգական միջադեպի հետևանքով զոհվել է երկու մարդ, վիրավորվել՝ մի քանիսը», – հայտարարել է ՄԱԿ-ի գործակալությունը։

Կազմակերպությունն ընդգծել է, որ ողբերգական դեպքը արտացոլում է «տեղում առկա մտահոգիչ և վատթարացող վիճակը», որն անմիջականորեն կապված է մարդասիրական օգնության արգելափակման հետ: