Հինգշաբթի, 15 հունվարի, 2026 թ.
|
Ստեփանակերտում`   -3 °C

«ՌԴ-ից անհապաղ հուշագիր պահանջելը ոչ կառուցողական մոտեցում է»․ Պեսկով

«ՌԴ-ից անհապաղ հուշագիր պահանջելը ոչ կառուցողական մոտեցում է»․ Պեսկով
930
Հինգշաբթի, 29 մայիսի, 2025 թ., 16:10

ՌԴ նախագահի մամուլի քարտուղար Դմիտրի Պեսկովը ոչ կառուցողական է անվանել Ուկրաինայի պահանջը՝ անհապաղ փոխանցել հակամարտության կարգավորման վերաբերյալ ռուսական հուշագրի նախագիծը։
«Հենց Ռուսաստանն է առաջարկել երկուշաբթի հանդիպել Ստամբուլում և սկսել քննարկել այդ նախագծերը։ Հետևաբար, անհապաղ կամ հապաղելով դա պահանջելը ոչ կառուցողական է», - ասել է Կրեմլի խոսնակը։

Նրա խոսքով՝ Մոսկվան դեռևս չի ստացել հունիսի 2-ին Ստամբուլում հանդիպում անցկացնելու առաջարկի վերաբերյալ Կիևի պատասխանը։

«Այստեղ մենք պետք է կամ հաստատենք բանակցությունները շարունակելու մեր պատրաստակամությունը, կամ անենք հակառակը», - հավելել է Պեսկովը։

Ավելի վաղ Ուկրաինայի պաշտպանության նախարար Ումներովը հայտնել էր, որ Կիևը ռուսական կողմին փոխանցել է հրադադարի պայմաններ պարունակող իր հուշագիրը և ակնկալում է, որ Մոսկվան նույնը անի՝ առնվազն 4 օրվա ընթացքում։
ՌԴ արտգործնախարար Սերգեյ Լավրովը հայտարարել էր, որ երկուշաբթի Ստամբուլում կկայանա Ռուսաստանի և Ուկրաինայի միջև բանակցությունների նոր փուլ, որտեղ Մոսկվան կներկայացնի ապագա խաղաղության պայմանագրի վերաբերյալ հուշագիրը։