Երկուշաբթի, 02 հունիսի, 2025 թ.
|
Ստեփանակերտում`   +19 °C

«Դեպի Երկիր է շարժվում տարվա` արեգակնային նյութի ամենամեծ ամպը». Լևոն Ազիզյան

«Դեպի Երկիր է շարժվում տարվա` արեգակնային նյութի ամենամեծ ամպը». Լևոն Ազիզյան
318
Շաբաթ, 31 մայիսի, 2025 թ., 19:42

«Հիդրոօդերևութաբանության և մոնիթորինգի» կենտրոն ՊՈԱԿ-ի տնօրեն Լևոն Ազիզյանի ֆեյսբուքյան գրառումը․ «Արեգակնային ժայթքման հետևանքով դեպի Երկիր է շարժվում տարվա արեգակնային նյութի ամենամեծ ամպը
Այսօր առավոտյան Արեգակի վրա գրանցվել է M8.2 մակարդակի հզոր արեգակնային բռնկում, որը տեղի է ունեցել Երևանի ժամանակով ժամը 04:05-ին, թիվ 4100 ակտիվ շրջանում՝ Արեգակի տեսանելի սկավառակի գրեթե կենտրոնում։
Այս իրադարձությունն ուղիղ համընկնում է Արեգակ–Երկիր գծի հետ, ինչն ապահովում է, որ ժայթքված նյութը կհասնի մեր մոլորակին՝ շրջանցելու հնարավորությունն ամբողջությամբ բացառելով։
Նախնական գնահատականներով՝ այս ժայթքումը կարող է առաջացնել մինչև G4 մակարդակի մագնիսական փոթորիկներ։
G5 փոթորկի հավանականությունը գնահատվում է մոտ 2%։
Մոդելային տվյալները վկայում են, որ արեգակնային պլազման կհասնի Երկիր արդեն վաղը՝ հունիսի 1-ին, ուշ երեկոյան։
Առողջապահական զգուշացում
Բժիշկները զգուշացնում են, որ մագնիսական փոթորիկների ժամանակ կարող են սրվել եղանակի նկատմամբ զգայուն անձանց խնդիրները։
Ռիսկի խմբում են՝
*50 տարեկանից բարձր անձինք
*Սրտային հիվանդություններ ունեցողները
*Բարձր արյան ճնշում կամ շաքարախտ ունեցողները
*Խորհուրդ է տրվում՝
*Խմել շատ ջուր
*Խուսափել սթրեսից և քնի պակասից
*Սահմանափակել աղի և ալկոհոլի օգտագործումը
*Հնարավորության դեպքում՝ նվազեցնել ֆիզիկական և մտավոր ծանրաբեռնվածությունը»:

Աղբյուրը`   Լևոն Ազիզյան