Լեհաստանի նախագահական ընտրություններում հաղթել է ՌԴ-ի կողմից հետախուզվող թեկնածուն

Լեհաստանի նախագահական ընտրությունների երկրորդ փուլում ընդդիմադիր «Իրավունք և արդարադատություն» կուսակցության թեկնածու Կարոլ Նավրոցկին հաղթել է ձայների 50,89%-ով: Իշխող «Քաղաքացիական կոալիցիայի» թեկնածու և Վարշավայի քաղաքապետ Ռաֆալ Տրզասկովսկին ստացել է ձայների 49.11%-ը: Այս մասին հաղորդել է տեղի ընտրական հանձնաժողովը: 2024 թվականի փետրվարին ՌԴ-ն Նավրոցկուն ներառել էր հետախուզվողների ցուցակում՝ Լեհաստանում Կարմիր բանակի հուշարձանների քանդմանը մասնակից լինելու համար: «Կոմերսանտի» տվյալներով՝ Նավրոցկին նաև Լեհաստանի գլխավոր հակաուկրաինական գործիչն է: Ըստ թերթի՝ նա ասել էր, որ մտադիր չէ լեհական զորքեր ուղարկել Ուկրաինա, անգամ եթե ԱՄՆ նախագահ Դոնալդ Թրամփը խնդրի դա անել:

Հիշեցնենք, որ Լեհաստանի նախագահական ընտրությունների առաջին փուլի քվեարկությունը տեղի էր ունեցել մայիսի 18-ին: