Շաբաթ, 20 դեկտեմբերի, 2025 թ.
|
Ստեփանակերտում`   +6 °C

Երմակը մեկնել է ԱՄՆ

Երմակը մեկնել է ԱՄՆ
615
Երեքշաբթի, 03 հունիսի, 2025 թ., 12:58

Ուկրաինայի նախագահի աշխատակազմի ղեկավար Անդրեյ Երմակը մեկնել է Միացյալ Նահանգներ։ Այս մասին հայտնում է РБК-Украина-ն՝ հղում կատարելով իր աղբյուրներին։

«ԱՄՆ-ում ուկրաինական պատվիրակությունը մի շարք հանդիպումներ կանցկացնի ԱՄՆ նախագահ Դոնալդ Թրամփի թիմի և երկու կուսակցությունների ներկայացուցիչների հետ, որտեղ կքննարկվեն պաշտպանական աջակցությունը, Ռուսաստանի Դաշնության դեմ պատժամիջոցները և մի շարք այլ կարևոր թեմաներ»,- ասել է Երմակը։

Ստամբուլում բանակցություններից և հակամարտության կարգավորման վերաբերյալ ռուսական հուշագրի տեքստի հրապարակումից հետո Երմակը կոչ էր արել նոր պատժամիջոցներ կիրառել ՌԴ-ի դեմ։

Իր հերթին, Ուկրաինայի նախագահ Վլադիմիր Զելենսկին հայտարարել էր, որ ԱՄՆ Սենատը որևէ խոչընդոտ չունի Ռուսաստանի դեմ պատժամիջոցների նոր փաթեթ ընդունելու համար, քանի որ ՌԴ-ն, նրա խոսքով, հրաժարվել է հարադադարից։