Հինգշաբթի, 15 հունվարի, 2026 թ.
|
Ստեփանակերտում`   -3 °C

«Պուտինն առաջարկել է օգնել Իրանի հարցում»․ Թրամփ

«Պուտինն առաջարկել է օգնել Իրանի հարցում»․ Թրամփ
482
Հինգշաբթի, 05 հունիսի, 2025 թ., 10:34

ԱՄՆ նախագահ Դոնալդ Թրամփը հայտարարել է, որ նախօրեին Պուտինի հետ կայացած հեռախոսազրույցի ժամանակ քննակվել է նաև Իրանի թեման։

«Մենք քննարկեցինք նաև Իրանի հարցը և այն փաստը, որ միջուկային զենքի վերաբերյալ որոշում կայացնելու համար Իրանի ժամանակը սպառվում է, որոշումը պետք է կայացվի հնարավորինս շուտ։ Ես նախագահ Պուտինին ասացի, որ Իրանը չի կարող միջուկային զենք ունենալ, և այդ հարցում, կարծում եմ, մենք միակարծիք էինք։

Նախագահ Պուտինն առաջարկել է բանակցություններ սկսել Իրանի հետ և, հնարավոր է, օգնել այս հարցի շուտափույթ լուծմանը։ Կարծում եմ, որ Իրանը ձգձգում է այս շատ կարևոր հարցը, իսկ մեզ անհրաժեշտ է հնարավորինս շուտ վերջնական պատասխան ստանալ», - գրել է Թրամփը Truth Social-ում։

Հիշեցնենք նախօրեին ԱՄՆ նախագահը հեռախոսազրույց էր ունեցել ՌԴ նախագահի հետ, որի ժամանակ քննարկվել էր ռուս-ուկրաինական հակամարտությունը։ Թրամփը հայտնել էր, որ տեղեկացված չի եղել ուկրաինական հարձակումների մասին։

Կարդացե՛ք նաև