«Պատժամիջոցների թեման Պուտինը և Թրամփը չեն քննարկել»․ Պեսկով

Պուտինը և Թրամփը նախօրեին տեղի ունեցած հեռախոսազրույցի ընթցքում պատժամիջոցների թեման չեն քննարկել։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը։

Նրա խոսքով՝ զրույցի ընթացքում «կարևոր շատ բաներ են քննարկվել»։

«Զրույցը կառուցողական էր, և բառացիորեն իմաստ չունի կենտրոնանալ տևողության վրա. երբեմն շատ կարևոր բաներ կարելի է ասել ավելի կարճ ժամանակում, ինչն էլ տեղի ունեցավ երեկ», - ասել է Կրեմլի խոսնակը՝ պատասխանելով ՏԱՍՍ-ի հարցին։

Պեսկովի խոսքով՝ Պուտինը ԱՄՆ նախագահին հետ զրույցում իրոք ասել է, որ Մոսկվան կարձագանքի Կիևի կողմից ռուսական օդանավակայանների վրա հարձակմանը, ինչի մասին ավելի վաղ նշել էր Թրամփը։

Հիշեցնենք՝ երկու երկրների նախագահները 1 ժամ 10 րոպե տևողությամբ հեռախոսազրույց են ունեցել։ Պուտինի և Թրամփի միջև նախորդ զրույցը, որը տեղի էր ունեցել մայիսի 19-ին, տևել է 2 ժամ 5 րոպե։