«ՌԴ-ն հաշվի կառնի, որ Կիևի ռեժիմը ահաբեկչական է դառնում»․ Պեսկով

419

Հինգշաբթի, 05 հունիսի, 2025 թ., 14:52

Մոսկվան բանակցություններում հաշվի կառնի այն փաստը, որ Կիևի ռեժիմը դառնում է ահաբեկչական։ Այս մասին լրագրողներին հայտարարել է Ռուսաստանի նախագահի մամուլի քարտուղար Դմիտրի Պեսկովը։

Նոր ահաբեկչական հարձակումների դեպքում Ուկրաինայի հետ բանակցությունների հնարավոր դադարեցման մասին հարցին ի պատասխան՝ Պեսկովը նշել է՝ այն փսաստը, որ Կիևի ռեժիմը ձեռք է բերել ահաբեկչականի բոլոր հատկանիշները, իհարկե, չի կարող անտեսվել ապագայում և հաշվի կառնվի։

«Կիևի ռեժիմի հարձակումները ռուսական քաղաքացիական գնացքների վրա վկայում են դրա ահաբեկչական բնույթի մասին։ Այն, ինչ անում է Կիևը, պետական մակարդակով ահաբեկչություն է», - պարզաբանել է Պեսկովը։

Հիշեցնենք՝ հունիսի 1-ի գիշերը Կիևի ռեժիմը հարձակումներ է իրականացրել Բրյանսկի և Կուրսկի մարզերի երկաթուղային գծերի վրա։ Երկու դեպքում էլ գնացքները դուրս են եկել գծերից։ Բրյանսկի մարզում ուղևորատար գնացքի վթարի հետևանքով զոհվել էր 7 մարդ։