Նեթանյահուն խոստովանել է, որ ՀԱՄԱՍ-ի դեմ պայքարում քրեական խմբավորումների է օգտագործել

Իսրայելի վարչապետ Բենիամին Նեթանյահուն հայտարարել է, որ իր երկիրը Գազայում զինված խմբավորումներն օգտագործում է ՀԱՄԱՍ-ի դեմ պայքարելու համար: Այս խոստովանությունը հնչել է պաշարված Գազայի հատվածում ռազմական հարվածների նոր ալիքից հետո, որոնց հետևանքով զոհվել է առնվազն 52 պաղեստինցի, հաղորդում է «Al Jazeera»-ն:

Նեթանյահուն հայտնել է, որ կառավարությունն «ակտիվացրել» է անկլավում գործող հզոր տեղական հանցավոր խմբավորումներին՝ «անվտանգության ծառայության աշխատակիցների» խորհրդով:

Այս հայտարարությունն Իսրայելի կառավարության կողմից առաջին հրապարակային խոստովանությունն էր, որ աջակցում է զինված պաղեստինյան խմբավորումներին, ազդեցիկ ընտանիքների անդամներին, որոնց հումանիտար կազմակերպությունների աշխատակիցները մեղադրում են բեռնատարներից օգնություն գողանալու մեջ:

Ըստ որոշ աղբյուրների՝ այդ խմբավորումներից մեկն այսպես կոչված «Ժողովրդական ուժերն» են, որոնք գլխավորում է Ռաֆահում տեղական հանցավոր կլանի առաջնորդ Յասեր Աբու Շաբաբը: Մայիսին իսրայելական «Հաարեց» թերթը մանրամասն նկարագրել էր խմբի գործունեությունը, որը բաղկացած է իսրայելական զինվորականների լուռ համաձայնությամբ գործող մոտ 100 զինված տղամարդկանցից: