«Մասկը կբախվի լուրջ հետևանքների, եթե որոշի ֆինանսավորել դեմոկրատներին». Թրամփ

Իլոն Մասկը կբախվի «լուրջ հետևանքների», եթե որոշի ֆինանսավորել հանրապետական ​​բյուջեի օրինագծին դեմ հանդես եկող դեմոկրատ թեկնածուներին։ Այս մասին NBC News-ին տված հեռախոսազրույցում ասել է ԱՄՆ նախագահ Դոնալդ Թրամփը։

«Եթե նա դա անի, ստիպված կլինի վճարել դրա համար։ Կլինեն շատ լուրջ հետևանքներ», - ընդգծել է Թրամփը՝ հրաժարվելով բացահայտել, թե ինչ հետևանքների մասին է խոսքը։

Ավելի վաղ Թրամփը և Մասկը հրապարակային ընդհարումներ են ունեցել, որը հանգեցրել է X և Truth Social սոցցանցերում փոխադարձ մեղադրանքների և սպառնալիքների շարքի։

Նախագահը նշել է, որ չի պատրաստվում վերականգնել հարաբերությունները Մասկի հետ։

Թրամփը հավելել է, որ իրենց շփումը համարում է ավարտված։ «Ենթադրում եմ՝ այո, ավարտավծ են», - ասել է Թրամփը՝ հայտարարելով, որ ապագայում մտադիր չէ կապ հաստատել Մասկի հետ։

«Ես չափազանց շատ այլ անելիքներ ունեմ։ Ես չեմ պատրաստվում խոսել նրա հետ»,- հավելել է Թրամփը։

Բացի դրանից՝ Թրամփը Մասկին մեղադրել է նախագահական ինստիտուտի նկատմամբ անհարգալից վերաբերմունքի մեջ։ «Նա շատ անհարգալից է վարվում․ նախագահի պաշտոնի նկատմամբ նման վերաբերմունքն անընդունելի է», - ընդգծել է ԱՄՆ նախագահը։