«Գազայում ահաբեկչական խմբավորման հրամանատար է ոչնչացվել». Իսրայելի ՊՆ

Իսրայելի պաշտպանության ուժերը հայտարարել են Գազա քաղաքում «Մոջահեդների ջոկատներ» (Kataib al-Mujahideen) արմատական ​​խմբավորման հրամանատարի ոչնչացման մասին։

«Իսրայելի պաշտպանության ուժերի և Գազա քաղաքում Ընդհանուր անվտանգության ծառայության համատեղ գործողության ընթացքում ոչնչացվել է ահաբեկիչ Ասադ Աբու Շարայան, ով վերջին տարիներին ղեկավարել էր «Մոջահեդների բրիգադներ» ահաբեկչական կազմակերպությունը Գազայի հատվածում», - ասվում է բանակի մամուլի ծառայության հայտարարության մեջ։ Գերատեսչությունը հավելել է, որ «մեկ այլ հարձակման ժամանակ ոչնչացվել է այս խմբավորման զինյալ Մահմուդ Համեդը»։

Իսրայելի բանակը նշել է, որ «Մոջահեդների բրիգադների» արմատականները մասնակցել են Իսրայելի վրա 2023 թվականի հոկտեմբերի 7-ին տեղի ունեցած հարձակմանը՝ առևանգելով և պատանդ պահելով մարդկանց։