Հինգշաբթի, 15 հունվարի, 2026 թ.
|
Ստեփանակերտում`   0 °C

«Ալիևի իմաստության և Պուտինի հետ նրա հարաբերությունների շնորհիվ Հարավային Կովկասում խաղաղությունը վերականգնվել է»․ Ադրբեջանում ՌԴ դեսպան

«Ալիևի իմաստության և Պուտինի հետ նրա հարաբերությունների շնորհիվ Հարավային Կովկասում խաղաղությունը վերականգնվել է»․ Ադրբեջանում ՌԴ դեսպան
685
Հինգշաբթի, 12 հունիսի, 2025 թ., 11:16

Մոսկվան ողջունում է Բաքվի և Երևանի միջև ձեռք բերված համաձայնությունը և հետաքրքրված է երկու երկրների միջև հարաբերությունների կարգավորման գործընթացի շարունակմամբ։ Այս մասին հայտնել է Ադրբեջանում ՌԴ դեսպան Միխայիլ Եվդոկիմովը։
«Ռուսաստանի համար շատ կարևոր է, որ Հարավային Կովկասում խաղաղություն լինի, և Իլհամ Ալիևի իմաստության ու Վլադիմիր Պուտինի հետ նրա հարաբերությունների շնորհիվ այն այժմ վերականգնվել է», - ասել է Եվդոկիմովը՝ BakuTV հեռուստաալիքին տված հարցազրույցում։

Նրա խոսքով՝ Մոսկվան ողջունում է Ադրբեջանի և Հայաստանի միջև խաղաղության պայմանագրի տեքստի վերաբերյալ ձեռք բերված համաձայնությունը և շահագրգռված է երկու երկրների միջև հարաբերությունների կարգավորման գործընթացի շարունակմամբ։

Դեսպանը նշել է, որ Ռուսաստանը պատրաստ է գործադրել բոլոր անհրաժեշտ ջանքերն Ադրբեջանի և Հայաստանի միջև տրանսպորտային ուղիների զարգացման համար։
«Ռուսական կողմը պատրաստ է և կգործադրի բոլոր անհրաժեշտ ջանքերն Ադրբեջանի և Հայաստանի միջև տրանսպորտային ուղիների զարգացման, երկու երկրների միջև սահմանի սահմանազատման համար, որ այս հրաշալի տարածաշրջանում վերջնական խաղաղություն տիրի», - ընդգծել է ռուս դիվանագետը։

Կարդացե՛ք նաև