Շաբաթ, 21 փետրվարի, 2026 թ.
|
Ստեփանակերտում`   +4 °C

«Պուտինն ու Թրամփը հեռախոսազրույց են ունեցել». Ուշակով

«Պուտինն ու Թրամփը հեռախոսազրույց են ունեցել». Ուշակով
590
Շաբաթ, 14 հունիսի, 2025 թ., 20:46

Ռուսաստանի և ԱՄՆ-ի նախագահներ Վլադիմիր Պուտինն ու Դոնալդ Թրամփը հեռախոսազրույց են ունեցել։ Այս մասին լրագրողներին հայտնել է նախագահի միջազգային հարցերով օգնական Յուրի Ուշակովը։

«Վլադիմիր Վլադիմիրովիչ Պուտինը հենց նոր կրկին հեռախոսազրույց է ունեցել ԱՄՆ նախագահ Դոնալդ Թրամփի հետ: Զրույցը տևել է մոտ մեկ ժամ, ավելի ճշգրիտ՝ 50 րոպե։ Այն իմաստալից էր, անկեղծ և, ամենակարևորը, շատ օգտակար», - ասել է Ուշակովը։

Նրա խոսքով՝ Պուտինը դատապարտել է Իսրայելի կողմից Իրանի դեմ ռազմական գործողությունը։ Թրամփն, իր հերթին, Իսրայելի և Իրանի շուրջ ստեղծված իրավիճակը գնահատել է որպես «շատ մտահոգիչ»։ Միևնույն ժամանակ, Ռուսաստանի նախագահը հայտարարել է Իսրայելի և Իրանի միջև միջնորդ լինելու իր պատրաստակամության մասին։ Ուշակովը նաև հավելել է, որ Պուտինը և Թրամփը չեն բացառում Իրանի միջուկային հարցի շուրջ բանակցությունների վերսկսումը։

Սա երկու նախագահների միջև հինգերորդ հեռախոսազրույցն է՝ ԱՄՆ նախագահի պաշտոնավարման սկզբից ի վեր։ Վերջին անգամ Պուտինը և Թրամփը զրուցել են հունիսի 4-ին՝ քննարկելով Ուկրաինայում ստեղծված իրավիճակը, Ստամբուլում կայացած բանակցությունների արդյունքները։

Կարդացե՛ք նաև