«Պատրաստ եմ հանդիպել բոլորի, այդ թվում՝ Զելենսկու հետ»․ Պուտին

ՌԴ նախագահ Վլադիմիր Պուտինը հայտարարել է, որ պատրաստ է հանդիպել Ուկրաինայի ղեկավար Վլադիմիր Զելենսկու հետ, սակայն պարզ չէ, թե «ով կստորագրի փաստաթղթերը»։

«Մենք պատրաստ ենք հանդիպել բոլորի, այդ թվում՝ Զելենսկու հետ։ Հարցը դրանում չէ։ Եթե ուկրաինական պետությունը վստահում է ինչ-որ մեկին բանակցություններ վարել, Աստծո սիրուն, թող դա լինի Զելենսկին։ Բայց հարցը դա չէ», - ասել է Պուտինը՝ միջազգային լրատվական գործակալությունների ղեկավարների հետ հանդիպման ժամանակ։

«Հարցն այն է, թե ով կստորագրի փաստաթղթերը», - հավելել է ՌԴ նախագահը։

Պուտինը հիշեցրել է, որ Ուկրաինայի Սահմանադրության համաձայն՝ երկրի նախագահն ընտրվում է հինգ տարով, և նույնիսկ ռազմական դրության պայմաններում այն ​​երկարաձգելու եղանակներ չկան։

«Եթե պետության առաջին դեմքը ոչ լեգիտիմ է, ապա պետության ղեկավարի կողմից նշանակված իշխանության ողջ համակարգը նույնպես դառնում է ոչ լեգիտիմ»,- հավելել է ՌԴ նախագահը։