«Խամենեին ընտրել է իրեն փոխարինող 3 հնարավոր թեկնածուի». #NYT

514

Շաբաթ, 21 հունիսի, 2025 թ., 20:46

Իրանի գերագույն առաջնորդ Այաթոլլահ Ալի Խամենեին ընտրել է իրեն փոխարինող հնարավոր երեք թեկնածուի, հաղորդում է The New York Times՝ հղում անելով աղբյուրներին։

Խամենեիի հավանական փոխարինողների անունները չեն հրապարակվել, սակայն հայտնի է, որ Խամենեիի որդին՝ Մոջթաբան, ով համարվում է հոգևոր առաջնորդի հիմնական հավակնորդը, այս ցուցակում ներառված չէ։ Նա նույնպես հոգևորական է և մոտ է Իսլամական հեղափոխության պահապանների կորպուսին (ԻՀՊԿ)։

Խամենեին նաև հանձնարարել է Իրանի փորձագետների ժողովին (ժողովրդի կողմից ընտրված 88 մուջթահիդներից բաղկացած խորհուրդ, որը նշանակում է Գերագույն առաջնորդին) անհրաժեշտության դեպքում իր հաջորդին ընտրել այս երեք հոգևորականներից։