«ՌԴ-ն չի ցանկանում վաղաժամ եզրակացություններ անել»․ Լավրով

Ռուսաստանը կողջունի Իրանի և Իսրայելի միջև հրադադարը, բայց չի ցանկանում վաղաժամ եզրակացություններ անել: Այս մասին հայտարարել է Ռուսաստանի արտգործնախարար Սերգեյ Լավրովը։

«Դժվար է հստակ պատկերացում կազմել այնտեղ տեղի ունեցող իրադարձությունների մասին։ Միևնույն ժամանակ, Ռուսաստանը ողջունում է ցանկացած համաձայնագիր, որը կհանգեցնի հրադադարի»,- նշել է Ռուսաստանի արտաքին գործերի նախարարը։

«Եկեք շտապողական եզրակացություններ չանենք՝ հիմնվելով կցկտուր տեղեկատվության վրա։ Բայց մենք խաղաղության կողմնակից ենք»,- հավելել է Լավրովը։

Հիշեցնենք ԱՄՆ նախագահ Դոնալդ Թրամփն ավելի վաղ հայտարարել էր Իսրայելի և ԱՄՆ-ի միջև հրադադարի հաստատման մասին՝ նշելով նաև, որ այն անժամկետ է և կտևի հավերժ։