Ուրբաթ, 20 փետրվարի, 2026 թ.
|
Ստեփանակերտում`   +5 °C

«Առաջիկա տարիներին ՆԱՏՕ-ն կշարունակի աջակցել Կիևին»․ Ռյուտե

«Առաջիկա տարիներին ՆԱՏՕ-ն կշարունակի աջակցել Կիևին»․ Ռյուտե
529
Չորեքշաբթի, 25 հունիսի, 2025 թ., 11:22

ՆԱՏՕ-ի գագաթնաժողովի մասնակիցները մտադիր են քննարկել Ուկրաինայի հակամարտությանն աջակցելու, ինչպես նաև Կիևին «առաջիկա տարիների համար» ռազմական մատակարարումների ապահովման հարցերը։ Այս մասին հայտնել է ՆԱՏՕ-ի գլխավոր քարտուղար Մարկ Ռյուտեն։

«Մենք կքննարկենք Ուկրաինային աջակցությունը, առաջիկա տարիների համար ռազմական օգնությունը», - ասել է Ռյուտեն՝ հավելելով, որ զենքի մատակարարումները, հավանաբար, պետք է օգնեն Կիևին «հասնել արդար խաղաղության»։

Ռյուտեն կրկնել է իր թեզը, որ Ռուսաստանը ռազմական սպառնալիք է ներկայացնում ՆԱՏՕ-ի համար, ուստի դաշինքի բոլոր երկրները պետք է ավելացնեն իրենց պաշտպանական ծախսերը։ Նա ընդգծել է, որ սա վերաբերում է նաև այնպիսի երկրների, ինչպիսիք են Իսպանիան և Բելգիան, որոնք նախկինում փորձել էին զիջումներ ստանալ ՆԱՏՕ-ի ռազմական ծախսերը մեծացնելու ծրագրերի շրջանակներում։

Հաագայի գագաթնաժողովում ՆԱՏՕ-ի առաջնորդները կորոշեն մինչև 2035 թվականը ՆԱՏՕ-ի ռազմական ծախսերը ՀՆԱ-ի ներկայիս 2%-ից հասցնել մինչև 5%։