Չորեքշաբթի, 20 օգոստոսի, 2025 թ.
|
Ստեփանակերտում`   +27 °C

«Թույլ չենք տա, որ մեր տարածքն օգտագործվի Իրանի դեմ». Ալիևը՝ Փեզեշքիանին

«Թույլ չենք տա, որ մեր տարածքն օգտագործվի Իրանի դեմ». Ալիևը՝ Փեզեշքիանին
520
Հինգշաբթի, 26 հունիսի, 2025 թ., 21:22

Իրանի նախագահ Մասուդ Փեզեշքիանի և Ադրբեջանի նախագահ Իլհամ Ալիևի՝ այսօր կայացած հեռախոսազրույցում հատուկ ուշադրություն է դարձվել Ադրբեջանի տարածքից իսրայելական ԱԹՍ-ների՝ դեպի Իրան հնարավոր թռիչքի մասին հաղորդագրություններին:

Մասուդ Փեզեշքիանը կոչ է արել ուսումնասիրել և ստուգել Ադրբեջանի տարածքից Իրանի դեմ իսրայելական ԱԹՍ-ների թռիչքների մասին լուրերը։

Ալիևը հավաստիացրել է, որ իր երկրի տարածքը չի օգտագործվել և չի օգտագործվելու «բարեկամական ու եղբայրական Իրանի դեմ»։

«Մենք Իրանը համարում ենք բարեկամական և եղբայրական պետություն, և թույլ չենք տա, որ մեր տարածքը կամ օդային տարածքը օգտագործվի այս սկզբունքին հակասող նպատակներով», - ասել է Ալիևը: